Qeyri-bank kredit təşkilatlarına kredit qoyuluşu 1,88 milyard manatı ötüb

Bu ilin yanvar ayında Azərbaycan iqtisadiyyatında qeyri-bank kredit təşkilatlarına kredit qoyuluşu 1 milyard 883,7 milyon manat təşkil edib.

Valyuta.az xəbər verir ki, bu, 2025-ci ilin eyni dövrü ilə müqayisədə 4,04 % və ya 73,1 milyon manat çoxdur. Ötən ilin eyni dövründə qeyri-bank kredit təşkilatlarına kredit qoyuluşu 1 milyard 810,6 milyon manat olub.

Bu ilin yanvar ayında Azərbaycan iqtisadiyyatına cəmi kredit qoyuluşunun həcmi 31 milyard 863,7 milyon manat təşkil edib. Bu göstərici ötən ilin eyni dövrü ilə müqayisədə 8,66 % və ya 2 milyard 538,4 milyon manat çoxdur.

Qeyd edək ki, 2025-ci ilin yanvar ayında Azərbaycan iqtisadiyyatına cəmi kredit qoyuluşunun həcmi 29 milyard 325,3 milyon manat təşkil edib.

Tənzilə Ağabalayeva