"Paramount" "Warner Bros."a görə 2,8 milyard dollar cərimə ödəməyə hazırdır

"Paramount Skydance" (PSKY.O) "Warner Bros Discovery"i (WBD.O) almaq üçün təklifini gücləndirib və səhmdarlar üçün bir sıra maliyyə təşviqləri əlavə edib. 

Valyuta.az xəbər verir ki, bu barədə "Reuters" məlumat yayıb.

"Paramount" səhmdarlara gözləmə ödənişi təklif edib - hər səhm üçün 25%, bu isə təxminən 650 milyon dolları kvartal üzrə təşkil edir. Həmçinin şirkət "Warner Bros."un "Netflix"ə ödəməli olacağı 2,8 milyard dollar cəriməni də ödəməyə hazırdır, əgər 82,7 milyard dollarlıq razılaşma baş tutmasa.

Buna baxmayaraq, ümumi təklif hələ də hər səhm üçün 30 dollar səviyyəsindədir ki, bu da borclar nəzərə alınmaqla 108,4 milyard dollar təşkil edir.

Hazırda həm "Netflix", həm də "Paramount Warner" "Bros" aktivlərini almaqda maraqlıdır, çünki nəticədə onların əlində təxminən 69 milyard dollar bazar kapitallaşmasına malik şirkət olacaq. Bundan əlavə, onlar məşhur franşizalara (“Taxt Oyunları”, “Harry Potter”, DC super qəhrəmanları) və geniş məzmun kitabxanasına sahib olacaqlar.

"Warner Bros." aktivlərinin satışı media sənayesində struktur dəyişiklikləri fonunda baş verir: kabel televiziya auditoriyası azalır, şirkətin üçüncü rübdə gəliri 23% düşüb. "Netflix" ilə razılaşma baş tutsa, platforma nəzarətində olan abunəçilərin sayı 450 milyona çatacaq ki, bu da antiinhisar tənzimləyicilər tərəfindən suallar yarada bilər.

Paşa Məmmədli