"Barclays" işçiləri üçün 3 milyard dollar bonus ayırıb

Böyük Britaniyanın aparıcı banklarından biri olan "Barclays" 2025-ci ilin yekunlarına əsasən işçilər üçün ümumi bonus hovuzunu 15% artıraraq 2,2 milyard funt-sterlinqə (3 milyard dollar) çatdırıb. 

Valyuta.az xəbər verir ki, bu, bank üçün son beş ilin rekord məbləğidir və 2025-ci ilin uğurlu illik nəticələrinə bağlıdır. "Barclays"in gəliri 2016-cı ildən bəri maksimum dinamikanı göstərib.

Keçən il təxminən 1 340 yüksək səviyyəli əməkdaş, maliyyə əməliyyatlarında əhəmiyyətli riskləri üzərinə götürənlər, ümumilikdə təxminən 950 milyon funt-sterlinq (1,3 milyard dollar) məbləğində bonus alıblar – həm nağd, həm də səhm şəklində. Bankda ümumilikdə təxminən 93 min daimi işçi çalışır.

"Barclays"in rəhbəri Koimbatur Venkatarışnan 2025-ci ilin nəticələrinə əsasən 9,4 milyon funt-sterlinq (12,8 milyon dollar) bonus alacaq ki, bu da bir il əvvələ nisbətən 12% çoxdur. Bankın daha aşağı səviyyəli əməkdaşları isə hər biri 500 funt-sterlinq (685 dollar) alacaq.

Paşa Məmmədli