Dolları sürətlə mövqelərini itirir: Nə baş verir?

ABŞ dolları bütün əsas valyutalara qarşı dəyər itirib. İnvestorlar Amerikanın iqtisadiyyatında yeni zəifləmə əlamətlərinin ortaya çıxmasından sonra ABŞ Federal Ehtiyat Sistemi tərəfindən faiz dərəcələrinin aşağı salınacağını gözləyirlər.

Valyuta.az "Bloomberg"ə istinadən xəbər verir ki, ABŞ-da çərşənbə günü işsizlik və cümə günü inflyasiya göstəricilərinin açıqlanması ərəfəsində yaranan narahatlıq treyderlər üçün dollar mövqelərini azaltmaq üçün əlavə səbəbdir.

Sinqapurdakı "Credit Agricole" strateqi Devid Forrester bildirib:

"Nisbi faiz dərəcələrinin mövzusu yenidən aktuallaşıb, çünki ABŞ-ın zəif iqtisadi göstəriciləri investorlara FES-in gələcəkdə faizləri daha da endirmə ehtimalını qiymətlərə daxil etməyə vadar edir".

ABŞ Ticarət Nazirliyinin məlumatına görə, ölkədə pərakəndə satışlar dekabrda gözlənilmədən dayanıqlı olub, bu isə ilin sonuna yaxın istehlakçıların iqtisadiyyata dəstəyinin azaldığını göstərir.

Eyni zamanda, Avstraliya dolları ABŞ dollarına qarşı 0,8% artıb.

"Markets Live" strateqi Mark Krenfild qeyd edib:

"Avstraliya dollarının yüksəlməsi ABŞ dollarını satmaq üçün əlavə siqnallar verir. Bu vəziyyətdən qazanclı çıxan valyutalar arasında iyena, avro və Yeni Zelandiya dolları da var".

Paşa Məmmədli