Nə benzin, nə də elektrik: Avropada ən populyar avtomobillər açıqlandı

Yanvar ayında Avropa İttifaqı ölkələrində yeni şəxsi avtomobillərin bazar həcmi keçən ilin eyni dövrü ilə müqayisədə təxminən 4% azalaraq 799,6 min ədədə düşüb. 

Valyuta.az xəbər verir ki, bu barədə Avropa Avtomobil İstehsalçıları Assosiasiyası (ACEA) məlumat verib.

Hibrid avtomobillərin (HEV) qeydiyyat payı Avropa İttifaqında 38,6%-ə çataraq, onları istehlakçılar arasında ən populyar seçim statusunda saxlayıb.

Elektrikli avtomobillərin (BEV) populyarlığı artır – onların bazar payı Avropa İttifaqında 19,3%-ə yüksəlib, halbuki bir il əvvəl bu göstərici 14,9% idi. Benzinli və dizel avtomobillərin bazar payının cəmi isə 30,1%-ə enib, yanvar 2025-də isə 39,5% təşkil edirdi.

Avropada yeni avtomobillərin qeydiyyatı:

* Hibridlər (HEV) – 308 364 ədəd (+6%)
* Benzinli avtomobillər – 175 989 ədəd (-28%)
* Elektrikli avtomobillər (BEV) – 154 230 ədəd (+24%)
* Plug-in hibridlər – 78 741 ədəd (+29%)
* Dizel – 64 550 ədəd (-22%)
* Digər – 17 750 ədəd (-36%)

Dünya avtomobil bazarı

2025-ci ilin nəticələrinə görə, Avropada ən populyar avtomobillər reytinqinin başında "Renault Clio" gəlir. İkinci yerə "Dacia Sandero", üçüncü yerə isə kompakt krossover "Volkswagen T-Roc" layiq görülüb. Populyar alman avtomobil markasının digər modelləri həmçinin dördüncü və beşinci yerləri tutub.

Bundan əlavə, satışların azalmasına baxmayaraq, 2025-ci ilin yekunlarına görə "Tesla Model Y" krossoverlər arasında liderliyini qoruyub, bu da İlon Maskın şirkətinin dünyada geniş və sadiq izləyici auditoriyasına malik olduğunu açıq şəkildə göstərir.

Paşa Məmmədli