Çingiz Səfərli baş direktor təyin edildi - FOTO

“Bir” ekosistemdə təyinat olub.

Valyuta.az-ın məlumatına görə, Çingiz Səfərli “Bir” ekosistemdə Baş İnformasiya Təhlükəsizliyi Rəhbəri vəzifəsinə təyin edilib. 

O, bu vəzifəsinə qədər 2023-cü ildən "Kapital Bank"da İnformasiya Təhlükəsizliyi Departamentinin Direktoru, 2019-2020-ci illərdə "Azərbaycan Sənaye Bankı"nda Kibertəhlükəsizlik arxitektoru, 2017-2019-cu illərdə "Aztelekom"da İnformasiya təhlükəsizliyi üzrə mütəxəssis, 2015-ci ildə isə "Azərbaycan Respublikası Dövlət Neft Şirkəti"ndə Proqram təminatı üzrə mühəndis vəzifəsində çalışıb.

O, 2012-2016-cı illərdə "Azərbaycan Respublikasının Prezidenti yanında Dövlət İdarəçilik Akademiyası"nda kompüter elmləri üzrə bakalavr, 2016-2018-ci illərdə isə "Bahçeşehir Universiteti"ndə Biznesin idarə edilməsi üzrə magistr (MBA) təhsili alıb.

Qeyd edək ki, “Bir” ekosistem PAŞA Holding tərəfindən yaradılıb. Bu sistem maliyyə, ödəniş, e-ticarət və nəqliyyat kimi sahələri bir araya gətirərək istifadəçilərə vahid giriş və ümumi xidmət infrastrukturu təqdim edir.