Hansı banka pul yatırmaq sərfəlidir - “PAŞA Bank”, yoxsa "Bank Respublika"?

Azərbaycan bank sektorunda müddətli əmanət məhsulları vəsaitlərin qorunması və sabit gəlir əldə edilməsi baxımından əsas maliyyə alətlərindən biri olaraq qalır. "Bank Respublika" və “PAŞA Bank” tərəfindən təqdim edilən müddətli əmanət məhsulları faiz dərəcələri, müddət imkanları və sığorta şərtləri baxımından müştərilərə müxtəlif seçimlər təklif edir. Hər iki bankın depozit şərtləri qanunvericiliyə uyğun olaraq dövlət tərəfindən sığortalanır.

Valyuta.az “PAŞA Bank” və Bank Respublika tərəfindən təqdim olunan müddətli əmanət məhsullarını müqayisəli şəkildə təqdim edir.

"Paşa Bank"ın müddətli depozit məhsulu müştərilərə vəsaitlərini müəyyən müddətə yerləşdirərək faiz gəliri əldə etmək imkanı təqdim edir. Depozit üzrə minimal yerləşdirmə məbləği 5 000 manat təşkil edir. Əmanəti həm Azərbaycan manatı (AZN), həm də ABŞ dolları (USD) ilə açmaq mümkündür. İllik faiz dərəcəsi 10 faizə qədər nəzərdə tutulur. Müddət başa çatdıqdan sonra depozit avtomatik olaraq uzadılır.

AZN			USD
Müddət	Aylıq	Müddətin sonunda	Müddət	Aylıq	Müddətin sonunda
3 ay	7.50%	7.50%	3 ay	2.75%	2.75%
6 ay	8.25%	8.50%	6 ay	2.75%	2.75%
9 ay	8.50%	8.75%	9 ay	2.75%	2.75%
12 ay	8.75%	9.00%	12 ay	2.75%	2.75%
18 ay	9.00%	9.25%	18 ay	2.75%	2.85%
24 ay	9.25%	9.50%	24 ay	2.85%	2.95%
36 ay	8.75%	10.00%	36 ay	2.90%	3.00%
					25.02.2026

"Bank Respublika"nın müddətli əmanət məhsulu müştərilərə vəsaitlərini banka yerləşdirərək stabil və etibarlı gəlir əldə etmək imkanı təqdim edir. Əmanət həm müştərinin öz adına, həm uşağın adına, həm də üçüncü şəxsin adına açıla bilər və bu hal faiz dərəcəsinə təsir göstərmir.

Əmanətin maksimal müddəti AZN və USD valyutaları üzrə 36 ay təşkil edir. Azərbaycan manatı ilə yerləşdirilən vəsait üzrə maksimal illik qazanc 10,5 faiz, ABŞ dolları ilə yerləşdirilən vəsait üzrə isə maksimal illik qazanc 3,5 faizdir.

Qeyd (AZN valyutalı): Bankın mövcud müddətli əmanəti olan müştərilərinin əmanətlərinin vaxtı avtomatik uzadıldıqda 0.25% əlavə edilməklə uzadılacaqdır.

AZN			USD
Müddət	Aylıq	Müddətin sonunda	Müddət	Aylıq	Müddətin sonunda
6 ay - 11 ay	5.5%	6.5%	6 ay - 11 ay	3.0%	3.0%
12 ay - 17 ay	9%	9.5%	12 ay - 17 ay	3.5%	3.5%
18 ay - 23 ay	9.25%	10%	18 ay - 23 ay	3.5%	3.5%
24 ay - 36 ay	9.5%	10.5%	24 ay - 36 ay	3.0%	3.25%
36 ay	9.5%	10.5%	36 ay	3.0%	3.5%
					25.02.2026

Həm "Bank Respublika", həm də “PAŞA Bank” “Əmanətlərin sığortalanması haqqında” qanuna uyğun olaraq fəaliyyət göstərən Əmanətlərin Sığortalanması Fondunun üzvüdür və banklarda yerləşdirilən qorunan əmanətlər fond tərəfindən sığortalanır.

Qorunan əmanətlər üzrə maksimal illik faiz dərəcəsi:

AZN ilə yerləşdirilən depozitlər üzrə - 12%

USD ilə yerləşdirilən depozitlər üzrə - 2,5%

Hər iki bankda qorunan əmanətlər üzrə maksimal kompensasiya məbləği 100 000 manat təşkil edir. Sığorta hadisəsi baş verdikdə fond tərəfindən əmanətçiyə kompensasiya ödənilir.

Mayya Hüseynova