Peşə riskləri üzrə icbari sığorta ödənişlərində 660 min manatlıq azalma

2026-cı ilin yanvar-aprel aylarında istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta üzrə 22 milyon 795 min manat sığorta haqqı toplanıb.

Valyuta.az xəbər verir ki, hesabat dövründə bu sığorta növü üzrə 960 min manat sığorta ödənişi həyata keçirilib.

Ötən ilin eyni dövründə – 2025-ci ilin yanvar-aprel aylarında isə 37 milyon 558 min manat sığorta haqqı toplanıb, 1 milyon 619 min manat sığorta ödənişi həyata keçirilib.

Beləliklə, 2026-cı ilin ilk dörd ayında toplanan sığorta haqları ötən ilin müvafiq dövrü ilə müqayisədə 14 milyon 763 min manat və ya 39,3% azalıb.

Sığorta ödənişlərinin həcmi isə illik müqayisədə 659 min manat və ya 40,7% azalıb.

Tənzilə Ağabalayeva