"İpək Yolu Sığorta"nın ödənişləri dayanıb

Cari ilin yanvar ayında “İpək Yolu Sığorta” ASC-nin sığorta yığımları 435 min manat təşkil edib.

Valyuta.az xəbər verir ki, bu göstərici illik müqayisədə 11 min manat və ya 2,59% artım deməkdir. Belə ki, ötən ilin yanvar ayında şirkətin yığımları 424 min manat olub.

Mərkəzi Bankın açıqladığı məlumata əsasən, cari ilin yanvar ayında şirkət heç bir sığorta ödənişi həyata keçirməyib.

Qeyd edək ki, ötən ilin eyni dövründə “İpək Yolu Sığorta” ASC tərəfindən 2 min manat ödəniş edilib. Beləliklə, ödənişlərdə 2 min manat və ya 100% azalma qeydə alınıb.

Sərvanə Rəmixanova