Mobil rabitə gəlirləri açıqlandı

Cari ilin yanvar ayında informasiya və rabitə sahəsində fəaliyyət göstərən müəssisələr tərəfindən 316,1 milyon manat dəyərində xidmət göstərilib.

Valyuta.az xəbər verir ki, bu, ötən ilin eyni dövrü ilə müqayisədə 42,6 milyon manat və ya 15,6% çoxdur.   

Ötən ilin yanvar ayında bu göstərici 273,5 milyon manat təşkil edib.    

Hesabat dövründə xidmətlərdən əldə edilən gəlirlərin 113,4 milyon manatı mobil telefon rabitəsi sahəsində formalaşıb.  

Ötən ilin eyni dövründə bu sahədə gəlirlər 103,2 milyon manat idi. Beləliklə, mobil rabitədən əldə edilən gəlirlər 10,2 milyon manat və ya 9,9% artıb.

Mayya Hüseynova