Fevralda investorlar ABŞ yerinə Avropaya rekord vəsait yatıracaq

Fevral ayında investorlar Avropa fond bazarlarına rekord həcmdə vəsait yatıracaqlar. 

Valyuta.az xəbər verir ki, bu barədə "Financial Times" EPFR statistikasına istinadən yazıb.

Bu nəticə fevralın ardıcıl iki rekord həftəsi əsasında çıxarılıb: həmin həftələrdə investorlar Avropa şirkətlərinin səhmlərinə təxminən 10 milyard avro yönəldiblər.

Ən yüksək investor fəallığı Böyük Britaniya, Fransa və İspaniya fond bazarlarında müşahidə olunur. Analitiklərin fikrincə, investorlar investisiyalarını diversifikasiya etmək istəyirlər, ABŞ bazarından, xüsusən də texnologiya sektorundakı səhmlərdən vəsait çıxarırlar; bu sektor bu il süni intellekt balonu ilə bağlı qorxular səbəbindən zərər görüb.

"Çoxlu beynəlxalq investorlar portfellərini diversifikasiya etmək və artıq kifayət qədər bahalı olan ABŞ bazarından çəkinmək istəyirlər. Avropa səhmlər bazarı fərqli bir struktur təqdim edir. Orada texnologiya şirkətləri daha azdır", dəyə FT "Goldman Sachs" investisiya bankının aparıcı səhmlər strategisti Şeron Bell-ə istinadən yazır. 

Paşa Məmmədli