Deputata məxsus olduğu iddia edilən şirkət təşkilati-hüquqi formasını dəyişdi

“Azəri Med” təşkilati-hüquqi formasını dəyişdi.

Valyuta.az xəbər verir ki, “Azəri Med” QSC təşkilati-hüquqi formasını dəyişərək MMC-yə çevrildiyini elan edib.

Hal-hazırda şirkətin nizamnamə kapitalı 8 milyon 255 min 510 manat təşkil edir.

Qeyd edək ki, “Azəri Med” ilk dəfə 2004-cü ilin iyul ayında dövlət qeydiyyatına alınıb. Hazırda şirkətin qanuni təmsilçisi Famil Rəhimli Vəli oğludur.

Sözügedən şirkət əsasən tibbi avadanlıqların satışı ilə məşğuldur və bu sahədə bazarın əsas iştirakçılarından biri hesab olunur.

Açıq mənbələrdə şirkətin deputat Kamaləddin Qafarovla əlaqəli olması barədə iddialar yer alır. Belə ki, bildirilir ki, “Azəri Med”  2009-2013-cü illərdə qanuni təmsilçisi olmuş Qafarov Hüsaməddin Şəmsəddin oğlunun deputatın yaxın qohumu olduğu qeyd olunur.

Sərvanə Rəmixanova