"OpenAI" 100 milyardlıq investisiya cəlb etməyə hazırlaşır

"OpenAI"nın 850 milyard dollardan artıq qiymətləndirmə ilə 100 milyard dollardan çox investisiya cəlb etmək üçün danışıqlar apardığı bildirilir.

Valyta.az xəbər verir ki, "Amazon"un 50 milyard dollara qədər, "SoftBank"ın 30 milyard dollar, "Nvidia"nın isə 20 milyard dollar həcmində sərmayə yatırması nəzərdə tutulur. "Microsoft"un da investisiya raunduna qoşulacağı gözlənilir.

İnvestorların şirkəti əvvəl gözlənilən 830 milyard dollardan daha yüksək dəyərləndirməsi "OpenAI"nin "ChatGPT" platformasında reklam imkanlarını test etməsi ilə əlaqələndirilir.

Şirkət hələlik yeni investisiya ilə bağlı rəsmi açıqlama verməyib.

Sərvanə Rəmixanova