"Bitcoin"i kim bahalaşdıracaq: Böyük oyunçular, yoxsa bazar dinamizmi?

2026 üçün "Bitcoin"ə dair diqqət çəkən proqnoz gündəmə gəlib. 

Valyuta.az-ın xəbərinə görə, “Binance”in keçmiş iş inkişafı meneceri Çeys Quo hesab edir ki, yeni rekord səviyyə (ATH) klassik halving dövrü və ya fərdi investor həyəcanı ilə deyil, bazar daxilindəki likvidlik dinamizmləri ilə formalaşacaq.

Onun fikrincə, növbəti böyük yüksəlişin arxasında hekayələr yox, birbaşa bazar mexanikası dayanacaq.

Qiymətlənməni müəyyən edən üç əsas faktor:

1. Likvidlik
2. Sosial media və bazar marağı
3. Token sahibliyi strukturu

Xüsusilə qısa və orta müddətli dövrlərdə kapital giriş-çıxışları və leveraged əməliyyatlar qiymət hərəkətlərində əsas rol oynayır. Bu prosesdə uzunmüddətli fundamental göstəricilər çox vaxt ikinci plana keçir.

“Razılaşma bir hədəfə çevrilir”

Quo bildirir ki, bazar iştirakçılarının müəyyən bir qiymət gözləntilərində birləşməsi həmin səviyyələrdə likvidliyin yığılmasına səbəb olur. Bu, böyük oyunçular üçün fürsət yaradır. Traderların eyni istiqamətdə mövqe tutması ani likvidasiyalara və kəskin qiymət dəyişikliklərinə yol aça bilər. Quo bunu “Razılaşma formalaşdıqda artıq bir hədəfə çevrilir” sözləri ilə izah edir.

Yeni zirvə likvidlik sıxışmasından gələ bilər

2026-dakı mümkün rekord ani bir likvidlik sıxışmasından sonra baş verə bilər. Törəmə bazarlardakı açıq mövqelərin sıxlığı, yüksək leverage istifadəsi və kapital rotasiyaları qiymətin əvvəlki zirvələrin üstünə qalxması ilə nəticələnər. "Bitcoin"in məhdud təklif strukturu da bu ssenarini gücləndirən amillərdəndir. Qurumsal investorlar və ya dövlət fondlarından gələcək nisbətən kiçik kapital girişi belə qiymətə böyük təsir edə bilər.

Düzgün bir ralli gözlənilmir

Quo 2026-dakı yüksəlişin əvvəlki dövrlərdəki fərdi investor coşqusu və ya meme coin hərəkatı kimi olmayacağını bildirir. Bunun əvəzinə daha yetkin bazar strukturu içində, kəskin dalğalanmalarla irəliləyən bir proses gözlənilir. Hədsiz leverage istifadə edən investorlar üçün ani geri çəkilmələr və zəncirvari likvidasiya riskləri mövcuddur.

SEC davası və sistemik risk

Quonun likvidlik fokuslu qiymətləndirmələri, ABŞ Qiymətli Kağızlar və Birja Komissiyasının (SEC) 2023-cü ildə “Binance” və qurucusu Çangpeng Zao haqqında açdığı davada irəli sürülən iddiaları yenidən gündəmə gətirir. İddia sənədində əməliyyat həcmində şişirmə və bazar yaratma praktikaları kimi ittihamlar yer alıb. Həmçinin, 10 oktyabr 2025-də baş verən ani düşüşdə yüksək leverage və likvidlik konsentrasiyasının zəncirvari likvidasiyaları tetiklediği qeyd olunub.

2026-da struktural zirvə?

Əgər Quonun proqnozu doğru çıxsa, 2026-dakı mümkün yeni zirvə yalnız “rəqəmsal qızıl” hekayəsinin deyil; likvidlik idarəsi, törəmə mövqe tutmaları və bazar razılaşmasının kripto ekosistemində əsas rol oynadığının nəticəsi olacaq. Bu ssenaridə yüksəliş, klassik dövri nümunələrdən daha çox bazar daxili güc balansları ilə formalaşacaq.

Paşa Məmmədli