2026-da qızıl neçəyə olacaq? - "Goldman Sachs"ın proqnozu

“Goldman Sachs” 2026 üçün yayımladığı görünüş hesabatında qızıl bazarına dair nikbin mövqeyini qoruyub saxlayıb. 

Valyuta.az-ın məlumatına görə, bank bildirir ki, qlobal miqyasda davam edən struktural tələbin qiymətləri dəstəkləyəcəyi gözlənilir və bu səbəbdən unsiya qızılın 2026-cı ilin sonuna qədər tədricən 5.400 dollar səviyyəsinə yüksələ biləcəyi proqnozlaşdırılır.

Hesabatda qeyd olunur ki, qısa müddətli dalğalanmalara baxmayaraq orta müddətli ümumi tendensiyanın yüksələn istiqamətdə olması gözlənilir.

“Goldman Sachs”a görə, qızıl bazarındakı yüksəlişi əsasən iki dinamika dəstəkləyir:

Birincisi, mərkəzi bankların güclü və sabit qızıl alışları qiymətlər üçün struktural dəstək yaradır. Qlobal rezervlərin diversifikasiyası tendensiyası qızıla qarşı institusional tələbi aktiv saxlayır.

İkincisi isə ABŞ Mərkəzi Bankının (FED) faiz endirim prosesi ön plana çıxır. Faizlərin azalması ilə real gəlirlər düşür və faiz gətirisi olmayan qızıl investorlar üçün daha cəlbedici olur. Bank xüsusilə pul siyasətindəki yumşalmanın özəl sektor tələbinin artmasına səbəb ola biləcəyinə diqqət çəkir.

“Goldman Sachs” mövcud qiymət hərəkətlərini klassik “əmtəə super dövrü” kimi qiymətləndirmir. Banka görə yüksəliş daha çox pul siyasətindəki dəyişikliklər, geosiyasi qeyri-müəyyənliklər və investor davranışındakı dönüşümlərlə bağlıdır.

Hesabatda həmçinin vurğulanır ki, qızılı dəstəkləyən struktural amillər güclü olsa da, ralli müddəti və əhatəsinin dəqiq proqnozlaşdırılması çətindir.

Paşa Məmmədli