Milyonlarla istifadəçisi olan "Microsoft" tətbiqi "təqaüdə" çıxır

Ağıllı telefonları mobil brauzerlərə çevirən "Microsoft Lens" üçün vida vaxtı gəli . Proqram nəhəngi milyonlarla istifadəçisi olan tətbiqin mağazalardan nə vaxt silinəcəyi və köhnə sənədlərə necə daxil olunacağı barədə rəsmi cədvəli açıqlayıb.

Valyuta.az xəbər verir ki, "Microsoft"un bir zamanlar mobil dünyada ən çox seçilən alətlərindən biri olan sənəd skan tətbiqi "Microsoft Lens" üçün yolun sonu görünüb. Texnologiya dünyasına 2014-cü ildə “Office Lens” adı ilə və "Windows Phone" platformasında daxil olan tətbiq illər ərzində ad dəyişikliyi və yeniliklər yaşadıqdan sonra artıq tamamilə rəqəmsal səhnədən çıxır. Şirkət keçən il işarələrini verdiyi bu vidanı rəsmi olaraq təsdiqləyib.

"Microsoft" tərəfindən yayımlanan son məlumata görə, "Lens" tətbiqi üçün səyahət 9 yanvar 2026 tarixində sona çatıb. Lakin istifadəçilərin zərər görməməsi üçün müəyyən bir cədvəl izlənir. Tətbiqə rəsmi dəstək 9 fevral tarixində dayandırılacaq və bu tarixdən etibarən həm "Google Play Store", həm də "Apple App Store" üzərindən endirilə bilməyəcək.

Paşa Məmmədli