Marketinqə ayrılan büdcə xərc deyil, investisiyadır

Rəqsanə Məmmədova 
Rəqəmsal marketinq və biznesin inkişafı üzrə menecer

Marketinq büdcəsinin formalaşması bir çox amillərdən asılıdır. Bəzən bu ümumi dövriyyənin 10%-i bəzən isə 30%-I qədər ola bilər. Rəqəmlərin kəskin dəyişilməsi, bazarın vəziyyətindən, şirkətin markalaşmasından, tələbatın həcmindən, rəqiblərdən və digər amillərdən asılıdır. Bəs ümumilikdə şirkətin marketinq büdcəsi necə təyin edilir?

1. Marketinqə ayrılan büdcə xərc deyil, investisiyadır.

Bu səbəbdən ROMİ (Return on marketing investment) hesablamaq lazımdır. Hansı kanal, reklam kampaniyası üzrə şirkət nə qədər qazanc əldə edib və ya ziyana gedib? FMCG-də bunu hesablamaq bəzən çətin olur, amma rəqəmsal marketinqdə xərcləri detallı analiz etmək olar.

2. Şirkət hazırda hansı mərhələdədir? 

Bazara daxil olanda şirkətlər marketinq və reklama daha çox büdcə ayırmalıdırlar ki, bazar payını götürə bilsinlər, yeni müştərilər əldə etsinlər. Bu məqhələdə qazanc haqqında düşünmək şirkəti inkişafdan saxlaya bilər. Çünki bazara daxil olmaq sürəti çox önəmlidir. 

3. Marketinq büdcəsini təyin etmək üçün, hədəfləri nəzərə almaq lazımdır. 

Məsələn, markanın tanınması, təkrar satışların artırılması, yeni müştərilərin cəlb edilməsi. Məqsəddən asılı olaraq, dalğa tipli strategiyadan istifadə etmək olar. Yəni bəzən iri büdcə xərcləmək, bəzən isə az büdcə xərcləmək.

Marketinq büdcəsinin formalaşdırılması bir çox amildən asılıdır, müştərilərin marka haqqında bilik səviyyəsi, məhsulun rəqib üstünlüyü, seqmentdən və s. bütün keyslər fərqlidir.