Marketdən oğurladığı biletlər ilə özünə sıqaret aldı

Bakıda “Oba” marketdə kassadan “poz qazan” biletləri oğurlayan şəxs saxlanılıb. 

Valyuta.az-ın məlumatına görə, 1987-ci il təvəllüdlü F.D barəsində İnzibati Xətalar Məcəlləsinin 227-ci maddəsi ilə protokol tərtib edilib və işə məhkəmədə baxılıb. 

Məlum olub ki, F.D Nizami rayonu ərazisində yerləşən “Oba” marketin kassasından 493 manat məbləğində “poz qazan” biletləri oğurlayıb. 

Təqsirləndirilən şəxs əməlindən peşman olduğunu, oğurladığı biletləri pozduğunu və əldə etdiyi uduşla özünə siqaret aldığını deyib. 

Məhkənin hökmü ilə, F.D barəsində 24 gün müddətinə inzibati həbs növündə inzibati tənbeh tətbiq edilib.