Maaşlar ötən illə müqayisədə artsa da, son 4 aydır azalır - Rəsmi

Bu ilin yanvar-avqust aylarında ölkə iqtisadiyyatında muzdla çalışan işçilərin orta aylıq nominal əmək haqqı 997 manat 10 qəpik olub.

Valyuta.az rəsmi məlumatlara istinadən xəbər verir ki, bu, ötən ilin eyni dövrü ilə müqayisədə 8 % və ya 74 manat çoxdur. Ötən ilin yanvar-avqust aylarında ölkə iqtisadiyyatında muzdla çalışan işçilərin orta aylıq nominal əmək haqqı 923 manat olub.

Maaşlar ötən illə müqayisədə artsa da, son dörd aydır ki, azalır. Belə ki, cari ilin yanvar-iyul aylarında orta aylıq nominal əmək haqqı 1 002,4 manat (5,3 manat çox), yanvar-iyun aylarında 1 002,8 (40 qəpik çox), yanvar-may aylarında 1 003,3 manat (50 qəpik çox), yanvar-aprel aylarında 1 007,5 (4,2 manat çox) olub.

Əvəz Həsənov