Laçında 50 milyon manatlıq yaşayış məhəlləsi salınacaq

Laçın şəhərində yeni yaşayış məhəlləsinin salınması ilə bağlı tikinti işləri planlaşdırılır. Müvafiq layihənin həyata keçirilməsi üçün satınalma prosesi elan edilib.

Valyuta.az xəbər verir ki, layihənin icrası “Laçın rayonunda Bərpa, Tikinti və İdarəetmə Xidməti” publik hüquqi şəxs tərəfindən təşkil olunur.

Tikinti işlərinin ümumi ehtimal olunan dəyəri 49 milyon 970 min 705 manat 36 qəpik olaraq göstərilib.

Layihədə iştirak etmək istəyən şirkətlər üçün təkliflərin qəbulu 27 fevral tarixinə kimi davam edəcək

Mayya Hüseynova