Kristin Laqard istefa verəcək?

Avropa Mərkəzi Bankının (European Central Bank - ECB) prezidenti Kristin Laqard həmkarlarına işinə diqqət yetirdiyini bildirib. O, istefa verməyi planlaşdırdığı təqdirdə onlara məlumat verəcəyini vəd edib. 

Valyuta.az xəbər verir ki, bu barədə "Reuters" agentliyinə Laqardın göndərdiyi mesaja istinadən mənbələr məlumat verib.

Mesajı alanlar bunu Laqardın Mərkəzi Bankdan dərhal ayrılmağı planlaşdırmadığına dair dəlil kimi qəbul ediblər. Baxmayaraq ki, belə bir ehtimal tamamilə istisna edilməyib. Bankın sözçüsü bu məlumatı şərh etməkdən imtina edib.

Kristin Laqard Avropa Mərkəzi Bankının prezidenti vəzifəsini 2019-cu ilin noyabr ayında icra etməyə başlayıb. "Financial Times" qəzeti dünən Laqardın 2027-ci ilin oktyabrında rəsmi səlahiyyət müddəti bitməzdən əvvəl istefa verməyi planlaşdırdığını bildirib. Bankın rəhbəri Avropa Şurası tərəfindən yenidən təyin olunma imkanı olmadan səkkiz il müddətinə təyin olunur.

Paşa Məmmədli