Göbələk telininin kilosunu bu ölkədən 4 manata almışıq

2025-ci ilin yanvar-avqust aylarında Azərbaycan xaricdən 182,92 ton miqdarında göbələk telləri alıb.

Valyuta.az xəbər verir ki, bu idxala ümumilikdə 444,75 min ABŞ dolları (təxminən 756,075 min manat) vəsait xərclənib.

1 kiloqram üçün orta gömrük dəyəri 4.13 manat (2.43 ABŞ dolları) olub.

Göbələk tellərinin ən çox alındığı ölkə Macarıstan olub. Bu ölkədən 180,14 ton məhsul alışı üçün 430,47 min ABŞ dolları (təxminən 731min 799 manat) xərclənib. 1 kiloqram üçün orta gömrük dəyəri 2.39 ABŞ dolları və ya 4.06 manat təşkil edib.

Məhsulun ən çox alındığı ikinci ölkə isə Fransa olub. Bu ölkədən 1.62 ton məhsul alınıb və 5,29 min ABŞ dolları (təxminən 8 min 993 manat) vəsait xərclənib. 1 kiloqram üçün orta gömrük dəyəri 3,26 ABŞ dolları və ya 5.54 manat olub.

Şəbnəm İbrahimxəlilova