E-ticarətdə 2026 vizyonu: Axtarış dövrü bitir, süni intellekt köməkçiləri seçir

E-ticarət dünyası 2026-cı ildə yalnız məhsulların nümayiş olunduğu bir platforma olmaqdan çıxaraq süni intellekt, məlumat analitikası və logistikanın iç-içə keçdiyi çoxsəviyyəli bir ekosistemə çevrilir. 

Valyuta.az xəbər verir ki, "Ticimax" şirkətinin təsisçi baş direktoru Cenk Çiğdemlinin sözlərinə görə, bu yeni dövrdə istehlakçılar axtarış etmək əvəzinə yönləndiriləcək, səbət yerinə isə “təcrübə” satın alacaqlar.

Çiğdemli diqqət çəkib ki, müştəri səyahəti artıq sayt xaricində, xüsusən süni intellekt söhbət ekranlarında başlayır. "Google"un "Gemini" və "Microsoft"un "Copilot" kimi platformalar üzərindən alış-veriş və ödəniş inteqrasiyalarını işə salması, bu kanalın yeni bir alış-veriş təbəqəsinə çevrildiyini göstərir.

2026-da e-ticarəti formalaşdıracaq 6 əsas trend:

1. Agentic Ticarət: İstehlakçı artıq məhsul axtarmağa vaxt sərf etməyərək AI köməkçilərinə niyyətini bildirir və ən uyğun seçim qarşısında listələnir. Bu, markalar üçün "GenAI Görünürlüğü" (Yaradıcı süni intellekt uyğunluğu) anlayışını kritik edir.

2. Checkout Mübarizəsi: Ortalama səbət tərk etmə nisbətinin 70%-ə yaxın olduğu günümüzdə, 2026-cı ilin qaliblərinin müştərini ən az yoran, tək səhifə ödəniş və yerli ödəniş üsulları təqdim edən markalar olması gözlənilir.

3. Çatdırılma və Geri Qaytarma Gücü: Sürətli çatdırılmanın standart halına gəldiyi dövrdə, geri qaytarma prosesləri “sadiqlik mexanizmi” kimi qurulacaq. Mikro anbarlar və toplama nöqtələri rəqabətdə müəyyənedici rol oynaya bilər.

4. Shoppertainment (Alış-veriş Əyləncəsi): Sosial ticarət, yalnız link paylaşmaqla kifayətlənməyərək, canlı yayımlar və tətbiq içi ödənişlərlə əyləncəli bir axışa çevrilir.

5. Pərakəndə Media: Bazar yerlərinin böyük reklam şəbəkələrinə çevrilməsi ilə platforma daxilində görünürlük xərclərinin artması planlaşdırılır. Bu, marka saytları və sadiqlik proqramlarını yenidən ön plana çıxara bilər.

6. Dövri İqtisadiyyat: Dayanıqlılıq mərkəzində, xüsusən moda və elektronika sektorlarında ikinci əl, yenilənmiş məhsul və təmir ekosisteminin böyüməsi gözlənilir.

Paşa Məmmədli