"Bitcoin" son 8 ilin ən zəif rübünə doğru gedir

Kriptovalyuta bazarında davam edən eniş fonunda "Bitcoin"in 2026-cı ilin ilk rübünü son 8 ilin ən zəif dövrlərindən biri kimi başa vura biləcəyi bildirilir.

Valyuta.az xəbər verir ki, ilin əvvəlindən etibarən "Bitcoin"in qiyməti artıq təxminən 22% azalıb. Xatırladaq ki, kriptovalyuta ötən ilin oktyabrında 126 min dollar səviyyəsinə yüksələrək tarixi maksimumunu yeniləmişdi. Lakin sonrakı aylarda qiymətlər kəskin geriləyib və bir neçə həftə əvvəl 60 min dollar civarına qədər düşüb.

Məlumatlara görə, əgər fevral ayı da azalma ilə yekunlaşarsa, bu, "Bitcoin"in tarixində ilk dəfə yanvar və fevral aylarını ardıcıl enişlə tamamlaması kimi qeydə düşə bilər.

Analitiklər qiymət azalmasını əsasən qlobal makroiqtisadi qeyri-müəyyənliklər, geosiyasi risklər və investorların riskli aktivlərə marağının zəifləməsi ilə əlaqələndirirlər.

Qeyd edək ki, hal-hazırda kriptovalyutanın qiyməti 1 gün ərzində təxmini 2,31% dəyərində düşərək, 68,667.25 min ABŞ dollarına təklif olunur.

Sərvanə Rəmixanova