Azərbaycanın MDB ölkələri ilə ticarətdə əsas tərəfdaşları - ÖLKƏLƏR

Bu ilin yanvar ayında Azərbaycanın MDB ölkələri ilə ticarət dövriyyəsi 392 milyon 231 min ABŞ dolları təşkil edib.

Valyuta.az xəbər verir ki, bu müddətdə MDB ölkələrinə ixracın həcmi 125 milyon 713 min ABŞ dolları olub ki, bu da ümumi ixracın 5.62%-ni təşkil edir.   

Müqayisə üçün ötən ilin eyni dövründə bu göstərici 120 milyon 234 min ABŞ dolları (ümumi ixracın 3.95%-i) idi. Beləliklə, illik müqayisədə MDB ölkələrinə ixrac 5 milyon 479 min ABŞ dolları artıb.

İdxala gəlincə, cari ilin yanvar-iyun aylarında MDB ölkələrindən idxalın həcmi 266 milyon 518 min ABŞ dolları olub. Bu, ümumi idxalın 20.47%-nə bərabərdir. Ötən ilin eyni dövründə isə bu göstərici 436 milyon 219 min ABŞ dolları (ümumi idxalın 21.25%-i) olub. İllik idxal dəyərində MDB ölkələri üzrə 169 milyon 701 min ABŞ dolları həcmində azalma qeydə alınıb.  

Mayya Hüseynova