“Bank VTB Azərbaycan”ın xalis mənfəəti 50 faizə yaxın azaldı

2026-cı ilin I rübündə “Bank VTB Azərbaycan”ın xalis mənfəəti 1 milyon 730,84 min manat təşkil edib.

Valyuta.az xəbər verir ki, bu, ötən ilin eyni dövrü ilə müqayisədə 1 milyon 575,63 min manat və ya 47,65% azalma deməkdir. 2025-ci ilin birinci rübündə bankın xalis mənfəəti 3 milyon 306,47 min manat olub.

Hesabat dövründə bankın faiz gəlirləri 9 milyon 634,31 min manat təşkil edib. Bu, illik müqayisədə 361,37 min manat və ya 3,61% azalma deməkdir. Ötən ilin eyni dövründə faiz gəlirləri 9 milyon 995,68 min manat səviyyəsində olub.

Faiz gəlirlərinin əsas hissəsi müştərilərə verilmiş kreditlərdən formalaşıb. Belə ki, bu istiqamətdən 8 milyon 425,42 min manat gəlir əldə olunub.

Bankın faiz xərcləri isə 2 milyon 620,02 min manat təşkil edib ki, bu da ötən ilin eyni dövrü ilə müqayisədə 441,16 min manat və ya 18,61% artım deməkdir.

Nəticədə xalis faiz gəliri 844,43 min manat və ya 11,18% azalaraq 6 milyon 704,66 min manata enib. Ötən ilin eyni dövründə bu göstərici 7 milyon 549,09 min manat olub.

Həmçinin qeyri-faiz gəlirləri də 1 milyon 77,39 min manat və ya 28,27% azalaraq 2 milyon 733,53 min manat təşkil edib. 2025-ci ilin birinci rübündə bu məbləğ 3 milyon 810,92 min manat olub.

Qeyri-faiz xərcləri isə 1 milyon 274,08 min manat və ya 14,37% azalaraq 7 milyon 588,52 min manat təşkil edib. Ötən ilin eyni dövründə bankın qeyri-faiz xərcləri 8 milyon 862,60 min manat idi.

Sərvanə Rəmixanova