Azərbaycanın avtomobil istehsalı 71%-dən çox artıb

Cari ilin yanvar ayında Azərbaycanda 402 ədəd minik avtomobili istehsal edilib.

Valyuta.az rəsmi məlumatlara istinadən xəbər verir ki, bu, ötən ilin eyni dövrü ilə müqayisədə 167 ədəd və ya 71,06% çoxdur.

Ötən ilin eyni dövründə Azərbaycanda 235 ədəd minik avtomobili istehsal edilib.

Bu dövrdə ölkədə 56 ədəd yük avtomobili istehsal olunub ki, bu da, illik müqayisədə 48 ədəd və ya 7 dəfə çoxdur.