Azərbaycanda telefon alışı azalıb

Azərbaycanda 2025-ci il ərzində texnoloji məhsulların alış strukturunda diqqətçəkən dəyişikliklər qeydə alınıb. Masaüstü kompüter, mobil telefon və planşetlər üzrə bazar paylarının bölgüsü istehlakçı davranışlarında fərqli tendensiyaların formalaşdığını göstərir.

Valyuta.az xəbər verir ki, son bir il ərzində mobil telefonların alışında azalma müşahidə olunub. Belə ki, mobil telefonlar iyun ayında 80,49% göstərici ilə ən yüksək səviyyəyə çatsa da, həmin dövrdə texnoloji alətlər arasında (noutbuk, planşet və mobil telefon) ikinci yerdə qərarlaşıb. İyun ayından sonra mobil telefonlara maraqda azalma tendensiyası başlayıb.

Bunun fonunda masaüstü kompüterlər il ərzində ən çox alınan texnoloji məhsullar sırasında yer alıb. Ümumilikdə masaüstü cihazların bazar payı 61,25% təşkil edib. Xüsusilə mobil telefon alışlarının zəiflədiyi dövrdən etibarən masaüstü kompüterlərə tələbat artmağa başlayıb. Ən yüksək göstərici isə dekabr ayında 62,02% səviyyəsində qeydə alınıb. Müşahidələrə görə, masaüstü kompüterlərin payı iyun ayından etibarən yüksələn xətt üzrə davam edib.

Planşetlər isə texnoloji məhsullar arasında ən az alınan cihazlar olub. Bu kateqoriyanın bazar payı ümumilikdə cəmi 0,33% təşkil edib ki, bu da planşetlərə tələbatın olduqca məhdud qaldığını göstərir.

Sərvanə Rəmixanova