“Azərbaycan Sənaye Bankı”nın mənfəəti azalıb, faiz xərcləri 28% artıb

“Azərbaycan Sənaye Bankı” 2026-cı ilin birinci rübü üzrə maliyyə hesabatlarını açıqlayıb.

Valyuta.az banka istinadən xəbər verir ki, bankın xalis mənfəəti ötən ilin müvafiq dövrü ilə müqayisədə 17,27 min manat və ya 0,99% azalaraq 1 milyon 722,67 min manat təşkil edib.

Qeyd edək ki, 2025-ci ilin eyni dövründə bank 1 milyon 739,94 min manat xalis mənfəət əldə etmişdi.

Hesabat dövründə bankın faiz gəlirləri illik müqayisədə 18,66% artaraq 10 milyon 962,62 min manata, faiz xərcləri isə 28,22% artaraq 5 milyon 968,05 min manata çatıb. Bu müddətdə bankın qeyri-faiz gəlirləri 4 milyon 2,57 min manat olub ki, bu da illik müqayisədə 4,78% çoxdur. Qeyri-faiz xərcləri isə 10,42% artaraq 6 milyon 771,80 min manata yüksəlib.

2026-cı il aprelin 1-nə bankın aktivləri illik müqayisədə 11,37% və ya 90 milyon 489,69 min manat artaraq 886 milyon 387,56 min manata çatıb.

Eyni dövrdə “Azərbaycan Sənaye Bankı”nın cəmi öhdəlikləri 756 milyon 101,05 min manat təşkil edib ki, bu da illik müqayisədə 12,32% və ya 82 milyon 931,98 min manat artım deməkdir.