“Atəşgah Həyat”ın yığımları artıb, ödənişləri isə təxminən iki dəfə yüksəlib

“Atəşgah Həyat” Sığorta Şirkəti 2026-cı ilin yanvar-may aylarında 50 milyon 417 min manat sığorta haqqı toplayıb.

Valyuta.az xəbər verir ki, bu, 2025-ci ilin eyni dövrü ilə müqayisədə 813 min manat və ya 1,6% çoxdur. Belə ki, ötən ilin yanvar-may aylarında şirkətin sığorta yığımları 49 milyon 604 min manat təşkil etmişdi.

Hesabat dövründə şirkət tərəfindən 41 milyon 736 min manat sığorta ödənişi həyata keçirilib.

Bu göstərici ötən ilin müvafiq dövrü ilə müqayisədə 19 milyon 560 min manat və ya 88,2% artım deməkdir.

2025-ci ilin yanvar-may aylarında “Atəşgah Həyat”ın sığorta ödənişləri 22 milyon 176 min manat olmuşdu.

Tənzilə Ağabalayeva

Seminar: "İnvestorlar hansı startaplara pul yatırmaq istəyir?"
"Traction Fund" Vençur Fondunun (ABŞ) təsisçisi və investisiya direktoru Ülvi Rəşidin Bakıdakı seminarına qoşulmaq istəyirsiniz? Əlavə məlumat üçün BURA BAXIN.