"Apple"a "iPhone" "dopinqi": Satışlar 16 faiz artdı

ABŞ-ın texnologiya şirkəti "Apple"ın xalis satışları ilin son üç ayında illik 16% artaraq bazar gözləntilərini üstələyib.

Valyuta.az xəbər verir ki, maliyyə təqvimində 27 dekabr 2025-də bitən üç aylıq dövrü 2026-cı maliyyə ilinin ilk rübü hesab edən "Apple" öz maliyyə hesabatını açıqlayıb.

Buna görə, şirkətin ümumi xalis satışları bu dövrdə illik 16% artaraq 143,8 milyard dollara yüksəlib. Keçən ilin eyni dövründə satışlar 124,3 milyard dollar idi.

"Apple"ın xalis mənfəəti eyni dövrdə 42,1 milyard dollar təşkil edib. Ötən ilin eyni dövründə bu rəqəm 36,3 milyard dollar idi.

Şirkətin səhmdar başına mənfəəti də 2,4 dollardan 2,84 dollara yüksəlib. Xalis satışlar və səhmdar başına mənfəət bazar gözləntilərini üstələyib.

Başda "iPhone 17" seriyası olmaqla, "Apple"ın "iPhone" və "iPad" satışları artıb, "Mac" satışları isə azalıb.

"iPhone" satışları 27 dekabrda bitən üç aylıq dövrdə illik 23% artaraq 85,3 milyard dollara çatıb və bazar gözləntilərini üstələyib.

Eyni dövrdə "iPad" satışları 6% artaraq 8,6 milyard dollar, "Mac" satışları isə 7% azalma ilə 8,4 milyard dollar təşkil edib.

Paşa Məmmədli