Alman avtomobil nəhəngləri iflasa uğraya bilər

Almaniyanın "Volkswagen", BMW və "Mercedes" şirkətləri 2030-cu ilə qədər mövcudluğunu dayandıra bilər. 

Valyuta.az xəbər verir ki, bu açıqlama ilə iqtisadçı və Kiel Dünya İqtisadiyyatı İnstitutunun rəhbəri Moritz Şulyarik çıxış edib.

"Hibridos y Electricos" portalına görə, o, şirkətlərin biznesə yanaşmalarını kökündən dəyişdirməsələr, 2030-cu ilə qədər mövcud olmayacağını düşünür.

Şulyarik öz nəticələrini Avropa avtomobil sənayesindəki mövcud vəziyyətin təhlilinə əsaslandırır. O, sənayeni daha çətin dövrlərin gözlədiyinə inanır: elektrikləşdirmə, rəqəmsallaşdırma və qlobal rəqabətin birləşməsi fundamental dəyişikliklərə səbəb olur. Əvvəlki meyarlar onilliyin sonuna qədər əhəmiyyətsiz olacaq.

İqtisadçı əmindir ki, Alman avtomobil nəhəngləri ənənəvidirlər və keyfiyyətə və mühəndisliyə üstünlük verirlər. Lakin onlar mövcud biznes modellərinə meydan oxuyacaq əhəmiyyətli texnoloji və siyasi təzyiqlə üzləşəcəklər. Proqram təminatının hazırlanması, süni intellektin tətbiqi və avtonom sürücülük gələcəkdə əsas rol oynayacaq.

BMW, "Mercedes-Benz" və "Volkswagen" qlobal rəqiblərindən, xüsusən də Çin rəqiblərindən getdikcə geri qalır ki, bu da onların əsas bazarlardakı mövqelərini təhlükə altına alır. Müasir dünyada avtomobil artıq yalnız nəqliyyat vasitəsi deyil. O, həm də "rəqəmsal xidmət"dir. Şulyarik BMW-dən daha az təcrübəyə malik, lakin daha böyük texnoloji çevikliyə malik startaplara işarə edir.

Paşa Məmmədli