1100-dən çox klinika və 12 000 həkimlə əməkdaşlıq edən startap

Qazaxıstanın “DOQ.kz” startapı - həkim qəbulunun onlayn qeydiyyatı və tibbi xidmətlərin idarə olunması üçün platforma - fəaliyyət coğrafiyasını genişləndirərək Dubayda beynəlxalq “oDoctor” brendi ilə işə başlayıb.

Valyuta.az xəbər verir ki, şirkət hazırda beş ölkədə fəaliyyət göstərir: Qazaxıstan, Qırğızıstan, Macarıstan, Rumıniya və Birləşmiş Ərəb Əmirlikləri.

“DOQ.kz” platforması 1100-dən çox klinika və 12 000 həkimlə əməkdaşlıq edir. Hər gün minlərlə pasiyentin qəbulu platforma vasitəsilə qeydə alınır.

“DOQ.kz”in baş icraçı direktoru Aydar Arınğazin (Aidar Aryngazin) bildirib ki, şirkət yeni bazarlara daxil olduqca proses daha da asanlaşır.

“DOQ.kz”in baş icraçı direktoru Aydar Arınğazin qeyd edib ki, klinikalər digər ölkələrdəki təcrübəmizi və platformalarımızı gördükdə qərarı çox tez qəbul edirlər və demək olar ki, hamısı dərhal müqavilə imzalayır:

"Körfəz Əməkdaşlıq Şurası (GCC) regionu böyük potensialı və nisbətən aşağı rəqabət səviyyəsi səbəbindən startap üçün cəlbedici bazardır. Bu bazarda “unikorn” şirkət yaratmağın mümkün olduğunu qeyd edən Arınğazin bildirib ki, şirkət fəaliyyətə Dubaydan başlayıb və artıq ikinci ayda mənfəət əldə edib. Yaxın gələcəkdə xidməti Şarcada və Əbu-Dabidə işə salmağı, daha sonra isə Səudiyyə Ərəbistanı bazarına çıxmağı planlaşdırırıq".

Startapın təsisçisinin sözlərinə görə, BƏƏ bazarına çıxış yerli tələbatın bəzi xüsusiyyətlərini də üzə çıxarıb: "İstifadəçilər həkimləri tez-tez milliyyətinə görə axtarırlar - məsələn, rusdilli və ya hindistanlı mütəxəssislər. Bu isə ölkə əhalisinin çoxmillətli tərkibi ilə bağlıdır. Platforma hazırda ingilis dilində fəaliyyət göstərir. Yaxın zamanda ərəb dilinin də əlavə olunması planlaşdırılır ki, xidmət daha geniş auditoriya üçün əlçatan olsun. Komanda həmçinin yerli biznes nümayəndələrinin yüksək səviyyədə dəstəyini qeyd edir".

Perspektivdə startap öz məhsulunu 30 ölkədə istifadəyə verməyi planlaşdırır. Komanda ilin sonuna qədər növbəti investisiya raunduna hazırlıq da aparır. Şirkət daha əvvəl “Almak Capital” və “MOST Ventures” daxil olmaqla investorlar tərəfindən təxminən 2 milyon ABŞ dolları investisiya cəlb edib.

Mayya Hüseynova