Unun topdansatış qiyməti açıqlandı

Azərbaycanda unun topdansatış qiymətlərində mart ayında ciddi dəyişiklik qeydə alınmayıb. 

Valyuta.az Antiinhisar və İstehlak Bazarına Nəzarət Dövlət Xidmətinə istinadən xəbər verir ki, 16 mart 2026-cı il tarixinə ölkədə un istehsalçılarının topdansatış məntəqələrində 50 kq-lıq un kisəsinin qiyməti əsasən 26,10-28,60 manat intervalında formalaşıb.

Aylıq müqayisə göstərir ki, 19 fevral 2026-cı il ilə müqayisədə qiymətlərin böyük hissəsi sabit qalıb. Bununla belə, bəzi müəssisələrdə cüzi dəyişikliklər qeydə alınıb. Belə ki, “ATS Mill” MMC-də 50 kq-lıq un kisəsinin qiyməti 27,70 manatdan 27,50 manata enib. “Orxan Un” MMC-də qiymət 27,70 manatdan 27,80 manata yüksəlib. “Nadir Quliyev adına Bakı-Taxıl” ASC-də isə qiymət 27,55 manatdan 27,70 manata artıb.

Digər əsas istehsalçılarda isə qiymətlər dəyişməz qalıb. Məsələn, “Dəvəçi-Taxıl” MMC-də unun topdansatış qiyməti 26,10 manat, “Dəvəçi-Dəyirman” MMC-də 26,50 manat təşkil edir. “Bakı Taxıl Terminalı” MMC, “Karmen” MMC, “PAK-NUR” firması və bir sıra digər müəssisələrdə isə qiymət 27,70 manat səviyyəsində qalıb.

Eyni zamanda bazarda ən yüksək qiymət “Azeri-Arapoğlu U.S. və T. LTD BM” tərəfindən 28,60 manat, ən aşağı qiymət isə “Dəvəçi-Taxıl” MMC tərəfindən 26,10 manat səviyyəsində təklif olunur.