Dünyada internet sürəti reytinqi açıqlandı - Azərbaycan neçənci oldu?

Azərbaycan cari ilin fevral ayında dünyada mobil internet sürətinə görə 104 ölkə arasında 50-ci yerdə qərarlaşıb.

Valyuta.az xəbər verir ki, beynəlxalq indeksə əsasən, Azərbaycan əvvəlki ayla müqayisədə reytinqdə 2 pillə irəliləyib. Ölkədə mobil internetin orta sürəti 94,95 Mbps təşkil edib.

Sabit genişzolaqlı internet sürəti üzrə də Azərbaycanın mövqeyində müəyyən irəliləyiş qeydə alınıb. Belə ki, ölkə bu kateqoriya üzrə 1 pillə yüksələrək 153 ölkə arasında 80-ci yerdə qərarlaşıb.

İndeksə görə Azərbaycanda sabit genişzolaqlı internetin orta sürəti fevral ayında 91,27 Mbps olub.

Sərvanə Rəmixanova