2025-ci ildə dünyanın ən yaxşı qastronomik şəhərləri - Siyahı

Səyahətin qızıl qaydalarından biri belə olmalıdır: "Çamadanınızda yer saxlayın – amma mədənizdə də!"

Yeni bir şəhəri kəşf edərkən yerli ləzzətlərin dadına baxmaq, uzun gəzintidən sonra ən gözəl mükafatdır.

Dünyaca məşhur "Time Out" media mərkəzi 2025-ci ilin ən yaxşı qastronomik şəhərlərini açıqlayıb. 

Valyuta.Az xəbər verir ki, siyahı 18 500-dən çox insan arasında keçirilən sorğunun nəticələrinə əsasən tərtib edilib.

Siyahıya Fransız, İspan, Vyetnam və Afrika mətbəxlərinin harmonik qarışığı ilə seçilən Nyu Orlean (ABŞ) şəhəri başçılıq edir. İkinci yerdə Banqkok (Tailand), üçüncü yerdə isə Medellin (Kolumbiya) qərarlaşıb.  

İlk beşliyi Keyptaun (Cənubi Afrika) və Madrid (İspaniya) tamamlayır. İlk onluqda həmçinin Meksika şəhəri (Meksika), Lagos (Nigeriya), Şanxay (Çin), Paris (Fransa) və Cakarta (İndoneziya)  yer alıb. Reytinqə daxil olan şəhərlər geniş qastronomik imkanları, küçə yeməkləri və yerli mətbəxlərinin zənginliyi ilə seçilir.  

Həmçinin qeyd edilib ki, Martın 17-də qeyd ediləcək Müqəddəs Patrik Günü ərəfəsində İrlandiyada "spice bag" və "barmbrack" kimi yerli yeməkləri dadmaq mümkündür. Çaysevərlər isə ən çox "Barry’s", "Lyons" və "Punjana" markalarına üstünlük verirlər.

Rəhim