Dənizlə gələn milyonlar - Dəniz nəqliyyatı ticarəti canlandırır

2025-ci ilin yanvar-fevral ayları üzrə dəniz nəqliyyatı ilə Azərbaycan ticarətində artım müşahidə olunub. 

Valyuta.az Dövlət Gömrük Komitəsinə istinadən xəbər verir ki, cari ilin ilk iki ayında Azərbaycan dəniz nəqliyyatı vasitəsi ilə 20 min 271 ton yük ixracı həyata keçirib. Bu ixrac əməliyyatının ümumi dəyəri 7 milyon 347 min ABŞ dolları təşkil edib. 

Müqayisə üçün qeyd edək ki, 2024-cü ilin eyni dövründə 9 min 120 tonluq ixrac həyata keçirilmişdi. Beləliklə, illik müqayisədə dəniz nəqliyyatı ilə ixrac edilən yükün həcmi 11 min 151 ton artıb. Lakin idxalın ümumi dəyərində ötən illə müqayisədə 19 milyon 788 min ABŞ dolları azalma müşahidə olunub. 

Məlumata görə, 2025-ci ilin yanvar-fevral aylarında dəniz nəqliyyatı vasitələrində 420 min 332 ton yük idxal olunub. Bu yüklərin ümumi dəyəri 431 milyon 590 min ABŞ dolları olub. Ötən ilin müvafiq dövründə isə dəniz nəqliyyatı ilə idxal olunan yük həcmi 277 min 346 ton olaraq, 225 milyon  800 min ABŞ dolları təşkil edib. Bu isə nəticə etibarı ilə illik müqayisədə dəniz nəqliyyatı üzrə idxalda 142 min 985 ton və ya 205 milyon 259 min ABŞ dolları dəyərində artım deməkdir.

Sərvanə Rəmixanova