“A-Qroup Sığorta Şirkəti”nin itkiləri 1 milyonu keçib

Cari ilin yanvar-noyabr ayları üzrə “A-Qroup Sığorta Şirkəti”nin sığorta yığımlarında artım, ödənişlərdə isə azalma müşahidə olunub.

Valyuta.az xəbər verir ki, sözügedən dövrdə şirkət 18 milyon 973 min manat dəyərində sığorta haqqı toplayıb. 

Ötən ilin eyni dövründə şirkətin sığorta yığımları 17 milyon 44 min manat olub. 

Nəticə etibarı ilə şirkətin sığorta yığımlarında 1 milyon 929 min manat və ya 11,31%  artım müşahidə olunub. 

“A-Qroup Sığorta Şirkəti”nin sığorta ödənişlərində isə 1 milyon 415 min manat və ya 11,81% azalma olub. 

Belə ki, cari ilin 11 ayı üzrə şirkət 10 milyon 565 min manat ödəniş həyata keçirib. 

Ötən ilin eyni dövründə isə sözügedən sığorta şirkətinin etdiyi ödənişin ümumi məbləği 11 milyon 980 min manat olub. 

Eyni zamanda qeyd edək ki, “A-Qroup Sığorta Şirkəti” bu ilin ilk 11 ayı üzrə hər 100 manatdan 55,68 manat ödəniş üçün ayırıb.

Ötən ilin eyni dövründə isə ödəniş məbləği 70,28 manat təşkil edib. 

Sərvanə Rəmixanova