Avropa İttifaqı gələn il üçün Ukraynaya planlaşdırılan maliyyə vəsaitinin yalnız yarısını ayırmağa hazırdır. 

Valyuta.az xəbər verir ki, bu barədə telemarafonda Ukrayna iqtisadiyyat nazirinin müavini Aleksey Sobolev bildirib.

O, aydınlaşdırıb ki, bu, planlaşdırıldığı kimi 18 deyil, 9 milyard avrodur”.

Aİ-nin 2027-ci ilə qədər Kiyevə vəd etdiyi yardımın ümumi məbləği 50 milyard avro təşkil edir ki, bunun da 39 milyard avrosu büdcə kəsirinin ödənilməsinə yönəldilməlidir.

Onun sözlərinə görə, Ukrayna rəhbərliyi hazırda Aİ ilə "bu 39 milyard avrodan 18 milyard avronun gələn il gəlməsini" təmin etmək üçün işləyir.

Oktyabrın 24-də Avropa Komissiyası Ukraynaya 1,5 milyard avro məbləğində büdcə yardımının növbəti aylıq tranşını göndərdiyini elan edib.

Bundan əvvəl Avropa Komissiyasının rəhbəri Ursula fon der Leyen bəyan etmişdi ki, Fələstin-İsrail münaqişəsinin kəskinləşməsi səbəbindən Aİ Ukraynaya dəstəyi dayandırmayacaq.

Nicat