Zənginlər pullarını nəyə xərcləyirlər? - İlk yerdə xeyriyyədir

Qlobal zənginlik indekslərini izləyən Wealth-X adlı şirkətin açıqladığı yeni hesabatına görə, keçən il həm zənginlərin sayında, həm də bu şəxslərin ümumi sərvətlərində 2 faiz artım müşahidə olunub. 2019-cu ildə qlobal olaraq orta seqmentdə sayılan sərvətli insanların sayı 23 milyon idisə, sərvətlərinin xalis ümumi dəyəri 62 trilyon təşkil edirdi.

Zəngin insanlar arasında belə, zənginlik üzrə təsnifat aparmaq mümkündür: orta seqment zənginliyi və onun üzərində olan yuxarı seqment zənginliyi. Wealth-X şirkəti orta seqment zənginlik kateqoriyasına daxil olan, digər sözlə desək xalis sərvəti 1 milyon ilə 30 milyon arasında olan şəxslərə diqqət yetirib. Çoxluq təşkil edən şəxslər isə ən aşağıda sərvəti 1 milyon ilə 5 milyon arasında dəyişənlərin təxminən 90%-i olacaq şəkildə ayrıca qiymətləndirilib.

Zənginlər pullarını nə üçün xərcləyirlər?

Dünyanın ən zəngin insanları çox pul xərcləyirlər.

Zənginlərin 36%-i, çox zəngin sayılan şəxslərin isə 57%-i xeyriyyə fəaliyyətlərini prioritet siyahısının ilk sırasında qoyurlar. Buna görə də, zənginlər, xüsusilə də bu şəxslərin müəyyən bir hissəsi, xeyriyyə üçün etdikləri xərcləri zənginliyə görə yerinə yetirilməsi gərəkən məsuliyyətlər kimi qəbul edirlər.

Oxşar olaraq, ən zənginlər üçün də xeyriyyə işləri vacib prioritetdir. Qlobal maliyyə böhranlarından sonra yaranan çətinliklərdən sonra xeyriyyə işləri yenidən gündəmə gəlmişdir.

Keçən il, yuxarı seqmentə daxil olan zənginlər çox yüksək dəyərdə bir çox ianələr edib. Məsələn, Jeff və MacKenzie Bezos evsizlər üçün 2 milyard dollar dəyərində ianə edib. Oxşar olaraq, Michael Bloomberg məzun olduğu Johns Hopkins Universitetinə 1.8 milyard dollar dəyərində maliyyə yardımı göstərib.

Zənginlər idmanı sevir

Bu tip ianələr ümumiyyətlə təhsil, sosial xidmətlər, incəsənət və mədəniyyət və ya səhiyyə sahəsində edilir. Xeyriyyə fəaliyyətlərini isə ardınca maliyyə dünyası və idman fəaliyyəti izləyir.
Zənginlərin maraq göstərdiyi idman növlərinə daha dərindən baxıldıqda isə ilk sırada qolf gəlir. Bunu izləyən idman fəaliyyətləri isə futbol, xizək və basketbol olduğu aşkar edilib. Ailə ilə bağlı fəaliyyətlər, heyvanlar və xarici dil fəaliyyəti isə 20 maddəlik prioritet siyahısında son sıralarda yer alır.

Şəbnəm İbrahimxəlilova