Yüklərin sığortalanması üzrə sığorta haqları 455 min manat artıb

2026-cı ilin yanvar-aprel aylarında yüklərin sığortalanması üzrə 2 milyon 360 min manat sığorta haqqı toplanıb. Hesabat dövründə bu növ sığorta üzrə 48 min manat ödəniş həyata keçirilib.

Valyuta.az xəbər verir ki, bu keçən ilin eyni dövrü ilə müqayisədə yüklərin sığortalanması üzrə toplanan sığorta haqlarında 455 min manat və ya 23,9% artım deməkdir. Sığorta ödənişlərinin həcmi isə 19 min manat və ya 65,5% yüksəlib.

2025-ci ilin eyni dövründə isə yüklərin sığortalanması üzrə 1 milyon 905 min manat sığorta haqqı toplanmış, 29 min manat sığorta ödənişi edilmişdi.

Tənzilə Ağabalayeva