Yeni başlayanlar üçün maliyyə planlaşdırması - 8 qızıl qayda - SƏHƏR OXUSU

Maliyyə planlaşdırması sağlam maliyyə həyatının qorunması və gələcəkdə yarana biləcək risklərə hazır olmaq üçün vacib amildir. Düzgün hazırlanmış maliyyə planı lazımsız xərcləri nəzarətdə saxlamağa, borcları idarə etməyə və uzunmüddətli maliyyə dayanıqlığı yaratmağa kömək edir.

Valyuta.az “Tata Capital Moneyfy” platformasında dərc olunan tövsiyələrə əsasən, maliyyə planlaşdırmasına yeni başlayanlar üçün 10 əsas “qızıl qayda”nı təqdim edir

Maliyyə məqsədlərini müəyyən et

Maliyyə planlaşdırmasının ilk addımı qısa və uzunmüddətli maliyyə məqsədlərinin aydın şəkildə müəyyən edilməsidir. Bu, yığım və investisiya qərarlarının düzgün prioritetləşdirilməsinə və gözləntilərin real qurulmasına imkan yaradır.

Büdcə tərtib et

Düzgün strukturlaşdırılmış büdcə şəxsi maliyyənin əsas alətlərindən biridir. Gəlir mənbələrinin və aylıq xərclərin dəqiq hesablanması investisiya hədəflərinə çatmağa və lazımsız xərcləri azaltmağa kömək edir.

Fövqəladə hallar üçün fond yarat

Ekspertlər ən azı 3-6 aylıq xərcləri qarşılayacaq ehtiyat vəsaitin formalaşdırılmasını tövsiyə edir. Bu fond iş itkisi, sağlamlıq xərcləri və digər gözlənilməz hallarda maliyyə yükünü azaltmaq üçün vacibdir.

Yüksək faizli borcları öncə bağla

Bir neçə kredit və ya borc olduqda, yüksək faizli borcların ilk növbədə ödənilməsi tövsiyə olunur. Bu tip borclar zamanla maliyyə vəziyyətini zəiflədə və yığıma mane ola bilər.

İnvestisiya portfelini şaxələndir

Riskləri azaltmaq üçün investisiyaları müxtəlif aktiv növləri arasında bölüşdürmək vacibdir. Diversifikasiya mümkün itkilərin təsirini azaldır və daha stabil gəlir ehtimalı yaradır.

Portfeli mütəmadi nəzərdən keçir

Zamanla maliyyə məqsədləri və prioritetlər dəyişə bilər. Bu səbəbdən investisiya portfeli dövri olaraq yoxlanmalı və maliyyə hədəflərinə uyğun şəkildə yenidən balanslaşdırılmalıdır.

Maliyyə trendlərini kor-koranə izləmə

Bazarda populyar olan investisiya alətləri hər kəs üçün uyğun olmaya bilər. Hər bir qərar şəxsi maliyyə məqsədləri və risk dözümlülüyü əsasında verilməlidir.

Maliyyə savadlılığını artır

Maliyyə anlayışları, investisiya alətləri və vergi mexanizmləri haqqında əsas biliklərə malik olmaq uğurlu maliyyə planlaşdırmasının əsas şərtidir.

Ekspertlər bildirir ki, effektiv maliyyə planlaşdırması uzunmüddətli məqsədlərə çatmağa, maliyyə təhlükəsizliyini artırmağa və stressi azaltmağa kömək edir. “Tata Capital Moneyfy” platforması isə istifadəçilərə investisiya alətlərini müqayisə etmək, risk iştahına uyğun seçimlər etmək və portfellərini vahid platforma üzərindən izləmək imkanı yaradır.

Sərvanə Rəmixanova