Toğrul Əliyev: Rəqəmsal maliyyənin inkişafı istehlakçı hüquqlarının qorunmasından asılıdır

"Son illərdə rəqəmsallaşma qlobal maliyyə sisteminin əsas sütunlarından birinə çevrilib".

Valyuta.az xəbər verir ki, bu barədə Mərkəzi Bankın sədrinin müavini Toğrul Əliyev Bakıda keçirilən “Müasir rəqəmsal dünyada istehlakçılar: elektron ticarət, rəqəmsal xidmətlər və təhlükəsizlik məsələləri” forumunda bildirib.

O, qeyd edib ki, Rəqəmsal maliyyənin inkişafı istehlakçı hüquqlarının qorunmasından asılıdır. Elektron ticarət, mobil bankçılıq və fintex həlləri sayəsində maliyyə xidmətlərinin əlçatanlığı xeyli artıb. Bu proses maliyyə inklüzivliyinin genişlənməsinə, eləcə də yeni biznes modellərinin yaranmasına şərait yaradıb”.

T. Əliyev bildirib ki, innovasiyalarla yanaşı, kibertəhlükəsizlik və fərdi məlumatların qorunması məsələləri də aktuallaşır. Onun sözlərinə görə, istehlakçıların qorunması üçün rəqəmsal maliyyə savadlılığı, rəqəmsal bankçılıq bacarıqları və kiberhücumlardan qorunma qaydalarının mənimsənilməsi xüsusi əhəmiyyət daşıyır.

Tənzilə Ağabalayeva