Şəxsi sığorta üzrə ödənişlər 6,8% azalıb

Cari ilin yanvar-oktyabr aylarında şəxsi sığorta üzrə 126 milyon 303 min manat sığorta haqqı ödənilib.

Valyuta.az xəbər verir ki, ötən ilin eyni dövrü ilə müqayisədə bu, 16 milyon  179 min manat və ya 14,69% artım deməkdir.

Ötən ilin yanvar-oktyabr aylarında şəxsi sığorta üzrə 110 milyon 124 min manat sığorta haqqı ödənilib.

Bu ilin yanvar-oktyabr aylarında şəxsi sığorta üzrə ödənişlər 74 milyon 936 min manat olub ki, bu da keçən ilin eyni dövrü ilə müqayisədə 5 milyon 471 min manat və ya 6,8% azalma deməkdir.

Nəzərə çatdıraq ki, ötən ilin yanvar-oktyabr aylarında 80 milyon 407 min manat şəxsi sığorta ödənişi həyata keçirilib.