Sənaye kreditləri 2,7 milyard manatı keçib

2026-cı ilin yanvar ayında Azərbaycan banklarının sənaye sahəsi üzrə biznes kredit portfeli 2 milyard 731,2 milyon manat təşkil edib.

Valyuta.az xəbər verir ki, sözügedən sahə üzrə kredit portfeli ötən ilin eyni dövrü ilə müqayisədə 41,1 milyon manat və ya 1,53% artıb.

Qeyd edək ki, 2025-ci ilin yanvar ayında sənaye sahəsi üzrə banklar tərəfindən verilmiş biznes kreditlərinin həcmi 2 milyard 690,1 milyon manat olub.

Ümumilikdə, 2026-cı ilin yanvar ayında Azərbaycanda bankların biznes kredit portfeli 15 milyard 948,9 milyon manat təşkil edib. Bu göstərici 2025-ci ilin eyni dövrü ilə müqayisədə 1 milyard 239 milyon manat və ya 8,42% çoxdur.

Xatırladaq ki, 2025-ci ilin yanvar ayında bankların ümumi kredit portfeli 14 milyard 709,9 milyon manat olub.

Tənzilə Ağabalayeva