Rəqəmsal iş yoldaşlarına hazır olun: 2026-cı ildə iş dünyasını nələr gözləyir?

Süni intellekt (Al) texnologiyaları 2025-ci ildə yalnız avtomatlaşdırılmış vəzifələrlə məhdudlaşmayaraq korporativ strategiyaların mərkəzinə yerləşib. Araşdırmalar göstərir ki, ötən il qlobal AI xərcləri 1,5 trilyon dollara çatıb və şirkətlərin 88%-i ən azı bir iş bölməsində bu texnologiyadan istifadə edib. 

Valyuta.az xəbər verir ki, “Cerebrum Tech”in analizlərinə görə, 2026-cı il bu sistemlərin daha da genişlənərək iş dünyasının əsas infrastrukturu halına gəldiyi bir dövr olacaq.

Keçən ilə damğa vuran əsas trendlərdən biri avtonom agentlərdir. Qiymət optimizasiyasından müştəri əlaqələrinə qədər bir çox vəzifəni həyata keçirən bu agentlər məhsuldarlığı 3–5% artırıb. “Gartner”in məlumatına görə, 2028-ci ilə qədər gündəlik iş qərarlarının 15%-i bu avtonom sistemlər tərəfindən idarə olunacaq.

İkinci əhəmiyyətli mövzu əməliyyatların inteqrasiyasıdır. Xüsusilə marketinq, satış və tədarük zənciri sahələrində süni zəka istifadəsi standart halını alıb. “Agentic AI” sistemləri sayəsində müştəri xidmətlərində əməliyyat müddətləri 80% azalıb, bəzi iri şirkətlər isə kampaniyaların həyata keçirilmə sürətini 15 dəfə artırıb. Üçüncü olaraq, texnologiyanın geniş yayılması ilə məlumat idarəsi və etik istifadə məsələləri şirkətlərin gündəmində prioritet mövqe tutub.

2026-cı il proqnozları: Süper kompüterlər və rəqəmsal iş yoldaşları

“Cerebrum Tech” 2026-cı ildə süni intellektin proqram təminatı inkişafından aparat memarlığına qədər hər sahədə daha dərin təsir göstərəcəyini proqnozlaşdırır. Yeni dövrdə CPU, GPU və xüsusi AI çiplərini birləşdirən hibrid emal memarlarının böyük məlumat analizində yeni standartlar müəyyən edəcəyi gözlənilir. Bundan əlavə, proqram təminatının əsasdan etibarən süni zəka bacarıqları ilə təchiz olunacağı və kiçik komandaların daha mürəkkəb tətbiqləri sürətlə inkişaf etdirə biləcəyi nəzərdə tutulur.

Avtonom agentlərin çoxaddımlı prosesləri müstəqil icra edərək “rəqəmsal iş yoldaşı”na çevrilməsi, işçiləri rutin vəzifələrdən azad edib daha strateji sahələrə yönəldəcək. Lakin bu inkişaf prosesində insan nəzarəti və idarəçiliyi kritik rol oynamağa davam edir.

“İnsan və texnologiya əməkdaşlığı diqqət mərkəzimiz olacaq”

Süni intellektin korporativ transformasiyasını dəyərləndirən “Cerebrum Tech”in CEO-su Mustafa Furkan Örs bildirib ki, 2025-ci il bu texnologiyanın ölçülə bilən nəticələr verdiyi bir il olub. “Cere Insight” və “Cere LLM” kimi məhsullarla iş axışlarını avtomatlaşdırdıqlarını deyən Örs, 2026-cı ildə diqqət mərkəzlərinin insanların məhsuldarlığını artıran və real iş proseslərinə inteqrasiya edilə bilən təhlükəsiz məhsullar hazırlamaq olacağını vurğulayıb. Örs əlavə edib ki, intellekti empatiya ilə birləşdirən həllərlə yeni iş birliyi imkanlarına imza atmağı hədəfləyirlər.

Paşa Məmmədli