"Qoç ət" Məhəmməd Quliyevdən şikayət etdi - SƏBƏB

“Qoç ət” Kəndli Fermer Təsərrüfatı” MMC-nin müraciəti əsasında fiziki şəxs barəsində iş qaldırılıb.

Valyuta.az xəbər verir ki, iş qaldırılmasının əsası Qoç ət Kəndli Fermer Təsərrüfatı MMC-nin şikayəti olub. Müraciətə Antiinhisar və İstehlak Bazarına Nəzarət Dövlət Agentliyi tərəfindən baxılıb və fiziki şəxs Quliyev Məhəmməd Bayraməli oğlu barəsində araşdırma aparılıb.

Araşdırma zamanı Azərbaycan Respublikası Rəqabət Məcəlləsinin 22.1.3-cü maddəsinin tələblərinin pozulması əlamətləri aşkar edilib. Belə ki, “Qoç ət” əmtəə nişanından istifadə ilə bağlı haqsız rəqabət hallarına yol verildiyi müəyyən olunub.

Nəticədə işə baxılması yekunlaşdırılıb və yol verilmiş haqsız rəqabət hallarının aradan qaldırılması, həmçinin bu cür halların gələcəkdə təkrarlanmaması barədə müvafiq göstəriş verilib.

Sərvanə Rəmixanova