"Paşa Sığorta"nın müştərilərinə etdiyi ödənişlərin həcmi yarım milyondan çox azalıb

Sığorta ödənişlərində azalma olan sığorta şirkətlərdən biri də “Paşa Sığorta” ASC-dir. 

Valyuta.az xəbər verir ki, 2025-ci ilin yanvar-dekabr aylarında sığorta şirkəti 355 milyon 163 min manat sığorta haqqı yığıb. 

2024-cü ildə şirkətin yığımları 317 milyon 560 min manat təşkil edib.

Beləliklə, “Paşa Sığorta” ASC-nin sığorta yığımları 37 milyon 603 min manat 11,84% artıb. 

Şirkətin sığorta ödənişlərinə gəldikdə isə 627 min manat və ya 0,44% azalma olub. 

Sığorta şirkəti 2025-ci ilin yanvar-dekabr aylarında 140 milyon 665 min manat dəyərində ödəniş həyata keçirib. 

2024-cü ilin sözügedən dövründə isə bu ödənişlərin həcmi 141 milyon 292 min manat olub. 

Şirkət 2025-ci ildə hər 100 manatdan 39,60 manat ödənişə ayırıb, 2024-cü ilin eyni dövründə isə ayrılan məbləğ 44,49 manat təşkil edib. 

Sərvanə Rəmixanova