Hava nəqliyyatı ilə sərnişin daşınması artıb, gəlirlər azalıb

Cari ilin yanvar-sentyabr aylarında hava nəqliyyatı vasitəsi ilə 3 milyon 104.9 min sərnişin daşınıb. 

Valyuta.az xəbər verir ki, ötən ilin eyni dövründə isə 3 milyon 58.3 min sərnişin daşınıb. Bu ötən ilin eyni dövrü ilə müqayisədə sərnişin daşınmasında 46.6 min və ya 1.51% artım deməkdir. 

Onun 2 milyon 524 min sərnişini beynəlxalq, 580.9 min isə daxili olub. 

Belə ki, bu dövr ərzində hava nəqliyyatı ilə sərnişin daşınmasından 1 milyard 278 milyon 093.8 min manat gəlir əldə olunub. 

Bunun 1 milyard 221 milyon 677.2 min manatı beynəlxalq, 56 milyon 416.6 min manatı isə daxili daşınmadan əldə olunub. 

Ötən ilin eyni dövründə sərnişin daşınmasından əldə olunan gəlirlər 1 milyard 538 milyon 272.3 min manat təşkil edib. 

Beləliklə, illik müqayisədə sərnişin daşınmasından əldə olunan gəlirlərdə 260 milyon 178.5 min manat və ya  16.91% azalma olub.

Tənzilə Ağabalayeva