Məşhur maliyyə yazarının milyarddan çox borcu var

Məşhur maliyyə savadlılığı kitabı “Zəngin ata, kasıb ata”nın müəllifi və sahibkar Robert Kiyosaki 1,2 milyard dollar borcu olduğunu etiraf edib.

Valyuta.az xəbər verir ki, bu barədə o, “The Iced Coffee Hour” podkastında danışıb. Verilişin aparıcıları Qrem Stefan və Cek Selbi Kiyosakidən bu borcun onu narahat edib-etmədiyini soruşublar. Yazıçı isə belə cavab verib:

“Əgər banka 20 milyon borcunuz varsa, bu, sizin probleminizdir. Amma bir milyard borcunuz var və ödəyə bilmirsinizsə, artıq bu, bankın problemidir”.

Qeyd edək ki, Robert Kiyosaki “Zəngin ata, kasıb ata” kitabını Şeron Lextərlə birlikdə 1997-ci ildə yazıb. Kitabda böyük pul qazanmağı öyrənmək yolları izah olunur və varlı və kasıb insanların dünyagörüşü fərqləndirilir.

Əsər 51-dən çox dilə tərcümə olunub, 109-dan çox ölkədə satışa çıxarılıb və ümumi tirajı 32 milyon nüsxədən çox olub. 

©Axşam.az